3/12/07

Clamadura t'as Chornadas de Toponimia



Informazión y inscripzions t'as Chornadas en Isín, Alto Galligo.

As Chornadas de debate toponimico se reyalizan con a fin
de sensibilizar á las instituzions y particulars de a importanzia
cultural que suposa o mantener a toponimia tradizional. D’atro
canto ye de siñalar o deseyable que ye que os aragonesofablans
empleguen de traza correuta os toponimos, igual como os meyos
de comunicazión y editorials, tot enta o compromís de conserbazión
d’iste bistero patrimonio.
Cal pensar, amás, en atro fautor importán. Cuan se fabla
d’endotoponimos somos charrando de a regulazión de a toponimia
propia u autotona ta cualsequier presona y, cuan fablamos
d’ecsotoponimos siñalamos a nesezidá que tien l’aragonés
de prenzipiar á ubrir un debate enta fixar a toponimia mundial
en ista luenga. Cuan se desembolique a Lei de Luengas, tamién
se desembolicará l’amostranza de l’aragonés y en aragonés, o
que ferá estar menister un conoximiento de os toponimos no
aragoneses fendo que no sigan un calco simplo u bella adautazión
fonetica dende atras fablas. Enta ixo estará preziso estudios
y decumentazión de toda mena, o mesmo de l’Aragón
que se castellanizó como d’a resta de l’estau y de o mundo.
A esperenzia en ista faina prenzipiada por os espiertos d’as
nuestras fablas bezinas nos ne ferá farchar una bastida referenzial,
teorica y metodoloxica, qui posará os alazetes ta establir
bel criterio azeutato y azeutable por todas as partis implicatas.
Nos pensamos istas Chornadas con a fita de a continidá
suya á redolín entre os lugars de a Comarca y con a delera de
meter meyos ta que o debate -en atros foros, paxina web...-
contine dimpués de a clausura de as chornadas presens.
Istas Chornadas abrán que estar partizipatibas. Isto ye, s’esposarán
as ponenzias y comunicazions -más que más curtasque
pretarán o debate.
ATA-AESTRELA y Comarca Alto Gállego, como organizadors,
agradexemos a implicazión y a complizidá de toz os combocans,
refirmadors y colaboradors plegatos ta ista iniziatiba, de
a mesma traza que combidamos a toz os bezinos y besitans de
l’Alto Galligo á la partizipazión en os autos programaus.

O Programa d'as Chornadas, lo trobarás en o post de debaxo u te lo puedes escargar dende astí

O folleto d'informazión lo tenez astí

As modalidaz d'inscripzions, fuella de pago y liquidazión lo tenez en iste formulario

Si quiers aduyar-nos ta espardir ista informazión, por exemplo fendo copias de o folleto, lo puedes pillar d'aquí en blanco y negro ta fer-ne de fotocopias

O cartel d'as chornadas astí

Y todo chunto en iste archibo: chornadasisin.rar

Asperamos a buestra colaborazión y partizipazión.




29/11/07

Programa d'as Chornadas

PROGRAMA DE AS I CHORNADAS DE DEBATE TOPONIMICO.
ENDOTOPONIMOS Y ECSOTOPONIMOS
SABADO 15
09,30 Larrés-Isín. Acullida de os partizipans. Aloxes y recullida de materials.
10,00 Isín. Biembenida y inaugurazión de as Chornadas.
10,15 Presentazión de A ESTRELA. (Asoziazión d’Estudios y Treballos de a Luenga Aragonesa). Planteyamiento de as Chornadas y oxetibos. Arias a debatir. Toponimia pirinenca, toponimia de dominio lingüistico aragonés, toponimia aragonesa de dominio lingüistico catalán y castellano. Nombre y capitals de as comarcas. Repaso de os munizipios d’Aragón.
11,00 Discanso.
11,30 Estato autual de ros estudios sobre toponimia. Juan José Guillén, dotor en Filoloxía, academico d’onor de l’Academia de l’Aragonés y autor de Toponimia del Valle de Tena, entre d’atras publicazions.
12,00 Proposa de toponimia ta la Galliguera Alta, Rolde O Caxico. Por Francho Rodés Orquín, filologo, autor de diferens treballos sobre l’aragonés, academico de numero de l’Academia de l’Aragonés.
12,30 Normatibizazión, ofizializazión y normalizazión de os toponimos en a Comunidá Autonoma Basca y Foral de Nabarra, por José Luis Lizundia y Patxi Galé. Miembros de a Euskaltzaindia-Real Academia de la Lengua Vasca.
14,00 Chenta.
16,30 A importanzia de a toponimia en a cartografía. Javier Cruchaga. Cartografo y cheometra.
16,45 Nomenclátor ofizial. José María Campo. Direutor de o Instituto Aragonés de Estadística.
17,00 Estato autual de a toponimia en aragonés. Treballo de campo y replega de a toponimia tradizional. Emplegos ofizials y editorials. Problematica d’emplego. Chusé Aragüés. Editor, lecsicografo, academico de numero de l’Academia de l’Aragonés.
17,30 Discanso.
18,00 Primer debate: toponimia de o dominio lingüistico aragonés.
20,30 Clausura de a sesión.

DOMINGO 16
10,00 Isín. Ponenzia combidatos gascons. Comunicazión de Christian Lamaison.
10,30 Proposa de criterios de traduzión y adautazión toponimica. Toponimia d’Aragón, presentazión de materials plegatos. Pascual Miguel Ballestín. Lizenziato en Cheografía, tradutor y espierto en aragonés.
11,00 Debate sobre l’autualizazión de terminos aragoneses. Tratamiento de chenero en cheografía. Ambista de os nombres de países, ziudaz, mons y ríos.
12,00 Discanso.
12,30 Proposa de una colla de treballo que contine replegando materials y datos sobre a toponimia aragonesa, igual como a creyazión d’una paxina web anque s’ufran as conclusions y materials replegatos, antimás de foro perén de debate dica as beniens Chornadas.
13,30 Parolas de clausura de o Presidén de a Comarca Alto Gállego, D. Mariano Fañanás.
14,00 Chenta de Clausura.


AUTIBIDAZ PARALELAS

SABADO 15

11,00 Taller de granja-escuela en Isín.
17,00 Taller de buro en Isín.
21,30 Autuazión de Os Diaples d'a Uerba en Larrés.

DOMINGO 16
10,30 Gambadeta d’entrepretazión de o patrimonio cultural y natural en Isín.
12,00 Chuegos tradizionals aragoneses en Isín.

7/11/07

Chornadas de debate toponimico

A Estrela con a Comarca Alto Galligo son parando as beniens Chornadas de Debate Toponimico, que se ferán en Alto Galligo os días 15 y 16 d'abiento d'esta añada 2007.

Con estas chornadas se quiere ubrir un debate sobre cómo s'ha de treballar a toponimia en aragonés, parando cuenta de tres grans dembas de treballo:

- toponimia d'o dominio lingüístico
- toponimia d'aragón (dominios catalán y castellano)
- toponimia mundial

L'oxetibo d'as chornadas será prenzipiar un debate sobre temas en bel plazo de tiempo s'abrán de fixar, pero más que más dende o treballo de a metodoloxía, ye dizir:

- criterios d'adautazión grafica / fonetica
- tratamiento d'a toponimia drento / fuera d'o dominio
- abilitazión / no abilitazión grafica en toponimia
- tratamiento d'o nomenclator d'Aragón

Esto se fa dende o conoximiento de:

- esperenzias dende atras fablas
- situazión de os estudios toponimicos en Aragón

Atra consecuenzia d'as chornadas estará a creyazión d'una paxina web anque, y a trabiés d'una base de datos, se pueda consultar / incluyir / debatir os terminos toponimicos dende un endize cheografico.

En bel pocos días estará presto o programa y a difusión.

29/10/07

calla y treballa que, qui muito charra, poco malla

Entre a selba preta de o que se biene clamando Fablilandia o treballo d'esbrozar no ye fázil, ye amolau de pensar por dó bas a tallar y parando cuenta de no dexar tanos que, dimpués, te fayan trepuzar. O más difízil puede estar dexar d'estar tú mesmo (con a istoria de cadagún) ta alufrar sin d'interferenzias presonals as ambistas de todas as xargas, matas, baretas y árbols. Y ye que as xargas tamién en tienen de dreitos (que punchen, rai) que bien nos biene bella bez pretar-nos bel xarringlazo. Qui no conoxe a dolor no sabe o que ye l'amor.

Y ya que, como mete o tetulo, ye custión de picar, charremos de picadors:

- Dende remenches leyemos a notizia de a presentazión de papirroi, empentau por otro de os decanos aragoneses, o rolde d'estudios, y en o que se beye a man de Oscar Latás. Bier-lo en remenches y en AltoAragón. O numero 1 ye descargable dende a paxina de rolde.

- A chen de o Ligallo de Fablans, que o sabado pasau no ne ufrió un sobrebuen conzierto pelra de l'Aragonés en a carrera y de o 25 cabodaño. Norabuena que bien sabemos o treballo y ilusions que fan falta ta la dita currada.

22/10/07

25 añadas de ligallo


O Ligallo está parando a suya gran fiesta de cumplañadas, y de seguras que en estará d'as buenas, aquí tenez o binclo de l'articlo en AltoAragón

http://www.diariodelaltoaragon.es/noticias/detalle.php?id=250156#cooliris

Nos biemos en o güego de Zaragoza

Notizia de as chornadas de toponimia


En Radio Huesca amanixe a siguién notizia:

El Alto Gállego y la Asociación de Traductores en Aragonés, firman un convenio de colaboración


Se va a llevar a cabo este martes en la sede del ente-supramunicipal en Sabiñánigo y por el cual la institución comarcal aporta una partida económica de 3.000 euros destinada a la organización de unas Jornadas de Debate Toponímico, a celebrar en diciembre de este año en el valle de Tena.

Desde el área correspondiente se ha destacado más de una vez que “el
Alto Gállego cuenta con considerable patrimonio cultural, entre los que se incluye la toponimia, que es preciso recuperar y mantener tanto por su valor histórico cultural como por su atractivo”.

Este convenio es para el presente año y entra dentro de la política de colaboración con las asociaciones que en la Comarca trabajan para la recuperación del patrimonio cultural.

Recordemos que entrre junio y julio de este año se llevo a cabo en Panticosa la XIV Trobada de escritors en o Pirineo, en lenguas catalana y aragonesa. La organización fué a cargo del Consello d’a Fabla Aragonesa, junto con la Comarca del Alto Gállego, la Diputación de Huesca y el Ayuntamiento panticuto entro otras instituciones.

------------------------------------------------------------------------------------


El Alto Gállego acoge en diciembre las Jornadas de Debate Toponímico


Rafael Castán , Mariano Fañanas y Chuse Aragüés

Las fechas de realización serían el 15 y 16 de diciembre, " aunque esta por determinar el lugar de celebración " ha indicado el responsable de la Comisión de Cultura de la Coamrca, Rafael Castán, que junto al presidente del ente-supramunicipal, Mariano Fañanas, han firmado una subvención de 3.000 euros con los organizadores de estas jornadas, la Asociación de Traductores en Aragonés.

El vicepresidente de la misma, Chuse Argués, ha indicado que " se pretende crear el debate necesario para que sean las instituciones, ayuntamientos, comarcas y el propio Gobierno de Aragón los que impulsen la creación de una Comisión de Toponimia, para que no se pierdan las denomianciónes tradicionales, populares e históricas, conviviendo con las variantes que se han creado".

En le encuetro " se va contar con la asitencia de entre cuarenta y cincuenta participantes, procedentes de la Uniersidad de Zaragoza, cartográfos, estudios en el tema y a parte estarían representes de asociaciones y profesionales del sur francés y de comunidades del Pirineo español".

Por su parte Castán ha indicado que “el Alto Gállego cuenta un con considerable patrimonio cultural, entre los que se incluye la toponimia, que es preciso recuperar y mantener tanto por su valor histórico cultural como por su atractivo". Señalando que " muchos notarios han tenido la sensibilidad de redactar las escrituras de terrenos y fincas, conservando las denominaciones de los lugares tal y como las expresaban sus habitantes".

Fañanas ha precisado que "el convenio es para el presente año y entra dentro de la política de colaboración con las asociaciones que en la Comarca trabajan para la recuperación del patrimonio cultural".

Recordemos que entrre junio y julio de este año se llevo a cabo en Panticosa la XIV Trobada de escritors en o Pirineo, en lenguas catalana y aragonesa. La organización fué a cargo del Consello d’a Fabla Aragonesa, junto con la Comarca del Alto Gállego, la Diputación de Huesca y el Ayuntamiento panticuto entre otras instituciones.







O primero estió o berbo...

Bien, pues pro tiempo dimpués de prenzipiar a funzionar, ubrimos esta ferramienta u aina ta comunicar-nos con todos busotros. Estará un puesto no-formal anque no pas informal. Salú a todos.